" أموت وحيد .. ولا أموت مطعون !!"
كلمات فارقت شفاه متألم بعد دهر من التأمل و التفكير العميق صاحبتها
دمعات حارة على هذا الواقع المرير ..
هذا الواقع : المتقلب الاحوال .. السريع التبدل ..
لايميز فيه المحب من المبغض !!
ولا الوفي من الخائن !!
ولا الصادق الشريف من الكاذب السخيف !!
لم تنطلق هذه العبارة من بعد تفكير طفولي كان ينظر للحياة
على انها ميدان للعب لا حزن فيه ، فاقض مضجعه مالقي من شده..
ولا بعد تفكير شهواني ، يرى الحياة مرتعا" له في اقامة علاقات
مع الجنس الآخر ، وكان مستغرقا في احلامه الورديه
الى ان افاق بصفعة الخيانه ..
بل انطلقت من عقل حكيم ، يرى الحياة ميدانا" يوجب على مرتاده
الموازنه بين مايأخذه من غيره ومايعطيه لهم ، بل ويرى ان العطاء
لابد ان تكون يده العليا في هذا المجال ..
لكن.. !!
وبعد ان رأى ما آلت اليه الامور ، وانتهت اليه مجريات الاحداث من :
+ تفكك علاقات دامت سنوات لأسباب سخيفات .
+ ان للمال تقام الصداقات العميقه وعليه تحصل التفرقات السريعه .
+ استهانة ولعب بعواطف المساكين ، ومن بعد مغادرتهم فالطعن بالسكاكين* .
+ رجولة في الكلام ، وأنوثة عند الشدائد .
+ عسولة في اللسان ، وحنظل بعد التفارق .
نعم .. هذا مارآه ويراه الجميع في عالم الزيف الخبيث ،،
صديق الامس .. هو نفس من يباغتك وينتظر فرصة ليطعنك في الغد - الا من رحم ربي -
فأعلنها باعلى صوته مدوية:
(( أموت وحيد .. ولا اموت مطعون ))
علّها تستنهض ضمائر الخبثاء الزائفين !!
+++++++++++++++
* المقصود بالسكاكين هي سكاكين الغيبه
بل هي وربي اشد من السكاكين .
+++++++++++++++
الوحده المقصوده ليست العيش وحيدا فريدا ، ولكن تعني
عدم الانخراط في علاقات وطيده الا بعد كامل ثقة وتأكد من الطرف الآخر ..
+++++++++++++++
لله الحمد والمنه بالامس دزو لي رساله
جامعة الكويت بخبر قبولي الفوري بكلية الشريعه
والدراسات الاسلاميه..
ماشاء الله كلام رائع
قواكم الله
ومبرووك القبوول
عسى الله يبارك لكم يارب
السلام عليكم ورحمة الله وبركاته
"" أموت وحيد .. ولاأموت مطعون ""
نعم نعم
يعطيكـ العافيه اخي وما قصرت
والف مبروك عالقبول :)
وبانتظار جديدكـ
اوله اوله اوله
إشدعوا يوبا
الدنيا للحين فيها خير
ومثل ماهل السو واجد فهل الخير واجد
لايخوك تفائل وشوف الدنيا بنظاره بيضه
ابومحجن العديلياوي
ترى الويوه اللي حاطها فالبوست عورت عيونا
شيلهم مالهم داعي
ترى شوية سنع و تنسيق ياخي ما يضر
ما ادري ليش العبط بعض الناس يكتبون الكاف مقصوصه
كـــ
ككــــــ
الحمدلله و الشكر
مبروك القبول
اختك بنت الاقصى
مبروك القبول
اقبولك علوم طبيه او هندسه انشاالله؟
بوعمار الحين نطالبك بعزيمتين لشباب الفناتقـ عزيمة الليسن وعزيمة القبول في كلية الحقوق :)
ألف ألف ألف مبروك يامحامينا
..<< صدى المتحدون >>..
مشاء الله الحقوق
مبروك قبولك و نعم الاختيار
دلال
مبروك والله يعينك على دراسة الطب كلش مو سهله
Future Engineer
علمت في الخبر من منتدى فناتق ودخلت خصيصاً لتهنئتكم فتهانينا بمناسبة قبولكم في كلية العلوم الاجتماعيه
اخوك بوحماد
شباب الاجتماعيه
شباب للتوضيح
الاخ بوعمار لم يقبلونه في جميع الكليات اللتي ذكرتو
الصحيح تم قبوله في بعثات التعليم العالي تخصص تكنولوجيا حيوية في ايرلندا
الف مبروك اخوي تخصص فعلن صعب وله مستقبل جيد ولاتنسانا اذا سافرت هناك
reema:
الله يقويج ويبارك فيج
وشاكر المرور الطيب والاطراء.
++++++++++++++++
لنترك بصمه :
الله يبارك فيج اختي
والجديد قادم باذن المولى ,,
++++++++++++
ابومحجن :
ياخوك ارتحت حق هالنظره واحس اهي النظره اللي لازم نشوف فيها الناس ، ولأنها علمتني ان ماانجر ورا العواطف والناس اللي تستخدم العواطف لتحقيق مصالحها ..
وبنفس الوقت انصير معطائين من غير انتظار رد الجميل ،بل نتوقع القبيح ونكران الجميل ..
+++++++++++++++++++++++
غير معرف1 :
ساعات احب استخدمهم لتوصيل المعنى لا اكثر ولا اقل وان شاء الله احاول اقلل منهم في المقالات اليايه
بنت الاقصى :
الله يبارك فيج اختي ..
+++++++++++++
غير معرف 2 :
الله يبارك فيك
شريعه باذن الله ..
++++++++++++
صدى المتحدون :
لوووووووووووول
ان شاء الله العزيمتين راح تكون را عزايمكم :)
ويمدحون الجباتي والسمبوسه :)
+++++++++++
دلال :
لا اختي ، شريعه ولله الحمد والمنه .
++++++++++++++
future engineer :
شريعه يابعد جبدي :)
+++++++++++++++
حماد :
الله يبارك فيك خيو :)
ودعواتك لنا بالتخرج السريع :)
++++++++++++++++
غير معرف 3 :
يزاك الله خير عالتوضيح اخوي :)
لكن ، اول مره ادري عن هالخبر :)
لا ، مقبول بالشريعه بالكويت
بوعمار معاك بوحماد اعتذر عن المعلومه القلط وانا سمعت انك انقبلت عندنا بس توني ادري انك شريعه
ياخوي خوش كليه وان شاء الله ستانس بالدراسه فيها والدعوه فعلا محتاجه طلبة علم ........... الف الف مبروك
السلام عليكم و رحمة الله
باركـَ الله فيكـ إخوي الكريم
مدونة رائعة
متابعين بإذن الله
_________________________
و مبروكـ قبولك
بالتوفيق
:)
بوحماد:
مسموح يالغالي
والله يوفقنا واياك ويستخدمنا في خدمة هذا الدين ..
+++++++++++
manal:
يزاج الله الف خير عالاطراء اللي احنا اقل منه ، وان شاء الله نكون عند حسن ظنج فينا
مبركـ قبلوكـ في كليتـ الشريعهـ
رائدة المستقبل
ألف مبروك اخوي ياسر وعقبا للدكتوراة باذن الباري
سالي عبدالخضر
رائدة المستقبل :
الله يبارك فيج اختي ..
وشاكر مرورج ..
+++++++++++++++
سالي:
الله يبارك فيج ، ويسمع منج.
وعقبال الدكتوراه لنا ولكم باذن الله
انزين مافكرت بكلية التربيه؟؟
او كلية الآداب عالاقل
الشريعه احس مستقبلها ميت
~~.صدى التآلف.~~
افاااه حسبالي قبولك بكليه الطب
عاد شريعه؟
يالله هاردلك
Future Engineer
صج كانت رغبتك الاولى شريعه والثانيه علوم ادارية؟
مع احترامي لك بس قرار موموفق
الادارية دراستها تشوق وحدها تونس
ومستقبلها اجمل
anyway قرارك هذا والله يوفقكـ
اختكــ قطر الندى
الفاضل ابو عمار تفاجئة يوم علمت انك دخلت شريعه؟! حرام تحرق مستقبلك هنـــاك اذا تخرخت يعينونك بـ 520 دينار
المفروظ تختار لك تختص له مستقبل ومعاش حلو
قرارك وكيفك
..<< صدى المتحدون >>..
ShAriy3ah ??!
aNa 3abaleee 3lom edariya :/
Very vErY bAd choize
fullah
بهذلوك العالم شفيهم عليك
خخخخخ
قول والله شريعه !!
حط أوراق القبول حق يصدقون !!
أحسن شي شريعه ما عليك منهم
صدى التآلف :
لا ، منو قال ان مستقبلها ميت ،،
ميت حق اللي مايتعب على عمره ..
وشكرا عالمرور
++++++++++
future engineer:
لا كلش موصوب الطب آنا ، لا من ناحية الميول ولا المعدل .
++++++++++++++
صدى المتحدون :
منو قال اني بكتفي بس بشهادة الشريعه ومنو قال اني ناوي اتوظف بحكومه ..
النيه استشاري اقتصادي او مراقب شرعي في شركة اسلاميه ،،
فطبعا بالاضافة حق شهادة الشريعه باخذ دبلومات اقتصاديه + من الحين بلشت اطلاع في مجال البيوع والمعاملات الماليه الحديثه + مساندي باذن الله ادارة .
والله ييسر ..
+++++++++++++++++++++
فله :
القرار مااتى من تفكير خاطف ولكن يي بعد سنوات من التفكير والاستشاره وانتهاء بالاستخاره ,,
والله ييسر ..
وثانيا حتن لو اداريه انا ترى ضعيف بالانقليزي ومومجتاز الا الرياضيات ، اضافة لأسباب ثانيه كثيره خلتني اعدل عن رايي ، علما بأني لي ليلة التقديم وانا محتار بس انشرح صدري للشريعه بيوم التقديم
والله ييسر
++++++++++++++++++++
طالب شريعه :
حيا الله الزميل :)
والله انك صاج :)
7asb ma 3araft mn mntada fanateq ena ta'7a9o9ek 3elmi >>> etha kent mn zeman tebee share3a laish mta3eb 3omrek oo dash 3elmi bl thanawy? :O
chan dashet adabe mn awal ashal?
fullah
منو قال اني بكتفي بس بشهادة الشريعه ومنو قال اني ناوي اتوظف بحكومه ..
النيه استشاري اقتصادي او مراقب شرعي في شركة اسلاميه ،،
فطبعا بالاضافة حق شهادة الشريعه باخذ دبلومات اقتصاديه + من الحين بلشت اطلاع في مجال البيوع والمعاملات الماليه الحديثه + مساندي باذن الله ادارة .
والله ييسر ..
___
شنو دبلومات إقتصاديه ؟؟
أول مره أسمع فيهم !!
اخي إستمر و ما إلك شغل بحد و موفق بالدراسه الشرعيه ونشوفك شيخ علم كبير متل الشيخ هيتو والشيخ البوطي
السلام عليكم ورحمة الله وبركاته
أما بعد
معلوماتك خاطئه جمله وتفصيل ولايوجد لدينا دبلوم اقتصادي في كلية الشريعه والموجود بكالوريا في تخصص اصول الفقه او اصول الدين
ارجو تصحيح معلوماتكم
واحب اقول لمن يستهزؤن باهمية العلم الشرعي ودور كلية الشريعه يقولون مستقبل ومدري ايش
ارد عليهم بقول الامام الشافعي
كل العلوم سوى القرآن مشغلة..إلا الحديث وإلا الفقه في الدين
العلم ما كان فيه قال حدثنا..وما سوى ذاك وسواس الشياطين
والحمدلله رب العالمين
كتبه ابي جرمان النجدي
كلية الشريعه والدراسات الاسلامية
المدعوه صدى تآلف
عيب يقال مثل كلامك هذا والشريعه ليس مستقبلها ميت بل تحيي القلوب
مالقيت غير شريعه؟ اذا العمليه انك تحب اقتصاد ومعاملات اسلاميه حراام حرااام تحرق مستقبلك علشان اقتصاد اسلامي ماقتصاد اسلامي الشريعه مالها شغل بالاقتصاد الاسلامي اللي له شغل قسم التمويل بالادارية خلف الله عليك بسرعه قصو عليك هالدينين
MIR-CSHK
هذي مدونه ولَ سكه من سكيك الفردوس؟
بوعمار وينك تعال نظف مدونتك من هالشكال
بوجرمان انت طالب شريعه وتسب جذي شنو خليت حق باجي الكليات والله عيب
Future Engineer
كلام الأخ المعصب صح
بس أسلوبه غلط
وين (سمت)طالب العلم يا طالب الشريعه
ذكروا الله !!!
سبحان الله و بحمده .. سبحان الله العظيم
هييه أنتا غير معرف لا تغلط هالدينين
وين راعي المدونه
__
يبا الشريعه مافيها لا إقتصاد و لا تمويل من قاص عليك
روح إسأل طلبة الشريعه و هم بيأكدون لك كلامي
و أصلا ما في شي اسمه دبلومات اقتصاديه
و لو في جان سمعنا عنه
يبا إسمع مني أنا معشش صارلي سنين بالشريعه
ولا تاخذ مساند إداريه
ماراح ينفعك
تقدر تتوظف ببنوك اسلاميه مراقب شرعي إذا كان معدلك مرتفع و تخصصك فقه و اصول او فقه مقارن و سياسه
بس
نصيحه اذا ماتعرف تسكر الانونيموس دش المساعده وجوف الطريقه
ترى مدونتك صارت مع احترامي !! مصخره
أنا مع الأخ إلي فوقي قمة التمصخر و التفاهه
46 تعليقا و أغلبها خرابيط
والله سالفه
يبا شيل الغير معرف و ريح عمرك
مبروك على الليسن والقبول..
ومنها للأعلى
موفق..
(=
ابتسم يا ابا عمار انزع عن عينيك النظارة السوداء
نبارك لك قبولك في الشريعة .. فأري الله والشريعة منك خيراً وجهداً ولا تتردد في استفتائي بأي فتوى تريد بها رخصة
P:
hamoora:
يطيج الف عافيه عالمرور
والله يبارك فيج ويوفق الجميع .
بن همام :
عمرك طويل :) ، اليوم قاعد نحش فيك >>> بالخير :)
_ _ _ _
وبالنسبه للنظاره فللأسف الواقع هذا اهو سواء لبستها او مالستها والله المستعان :(
- - - - -
لوووووووول ، عاد بجم الفتوى عندك ؟
يقولون اسعارك مرتفعه :)
- - - - -
( من تتبع الرخص تزندق )